Vleugels van Hoop |
||||
Murakaza neza - Turi bande? - Gufasha - Imishinga - Ibikorwa - Kumenyesha amakuru - Kugira imigenderanire | ||||
|
« KONGERA KUBONA IGIHUGU CYAMBYAYE BIHORA BINTERA UBWUZU » Amateka y’ubuzima bwa François Gacas (60) tuyasanga Yitangira cyane umuryango udaharanira inyungu Ava mu Rwanda ajya mu Bubiligi Ukura he amaraso y’amagereki ? Ibyo ni byo. Ariko icyo gihe hari abantu benshi baturuka mu bihugu bitandukanye nk’abo muri Portugal ; n’abagereki bagerageje gucuruza. Data rero yaje mu Rwanda kuhashakira amafaranga menshi. Aza ntacyo afite ariko yaje gutangira uruhererekane rw’amaduka. N’ubwo utayagereranya n’ay’inaha mu mijyi ikomeye ariko yari mu rwego rutangaje urebye ibyo muri Afurika. Yari afite abana b’abakobwa yari yarabyaranye n’abanyarwandakazi banyuranye, jye naje ndi umuhungu we wa mbere. Nitwa izina rye (GACAS) gusa ntiyigeze yemera ku mugaragaro ko ndi uwe. Iyo bibaho, wenda nanjye mba ndi umukire. (araseka !). Wageze ute mu Kigo kirera imfubyi ? Mama yanyitagaho rwose, ariko nitwaga “ikinyendaro” sinari nkunzwe, nari umwe muri benshi batifuzwaga haba n’abirabura ndetse n’abazungu. Buri gihe bashakaga ko tutagaragara kuko twari ikimenyetso cy’amakosa y’abakoroni b’abazungu n’abacuruzi baturutse hirya no hino ku isi. Mama yaje kwemera kuntanga. Mbanza kujya mu kigo kirera imfubyi mu Byimana (hagati y’aho mvuka Kavumu ka Nyanza na Kigali, umurwa mukuru w’u Rwanda). Waje kugera mu Bubiligi ute ? Umubikira wo mu kigo kirera imfubyi (Save) niwe wabiteguye. Nk’uko abivuga, byari byiza kuba mu Bubiligi kurusha uko twaba mu Rwanda mbere y’ubwigenge, kugira ngo tubeho neza. Hari icyo wibuka kuri urwo rugendo ? Nta muntu uzi itariki navutseho, kuko icyo gihe mu Rwanda, nta gitabo bandikagamo abana bavutse. Tugeze ino, bagereranyije imyaka yacu. Njye mpabwa 13, bityo irangamuntu yanjye yerekana ko navutse mu 1947. Nabanjye kujya mu kigo cy’imfubyi villa Mireille cyo ku nyanja (Neewpoort) mpamara ukwezi. Nyuma yahoo nagiye mu nzu Bambino (Schoten). Ku cyumweru, imiryango yazaga kudusura inanakira umwana mu muryango wabo. Nuko umunsi umwe, umuryango umwe w’I Steenkerke uranyishimira. Kuri Noheli njya kubasur, bambwira ko nimpitamo kubita mama na papa, nshobora kuhaguma. Sinigeze nsubira mu kigo kirera imfubyi. Nabashije kwiga kandi iteka nzabibashimira. Bakoze neza umurimo wabo. Nsubira mu Rwanda Ni ryari wumvise ushaka gusubira ku ivuko ? Mu 1980, tubyaye imfura yacu Jan. Icyo gihe ababyeyi b’umufasha wanjye Bernadeta bari aho, ariko numvaga abanjye bwite batazabona uwo mwana. Uwo mugoroba, njyenyine mu rugo, nafashwe n’ikiniga, umutima uncira urubanza rwo kuba ntarigeze mbashakisha. Ni ubwo niyemeje gutangira ariko bikaba imfabusa. Amateka yawe arangirira aho ubonaniye n’inshuti yawe Paul? Byabaye urujijo! Kuri radiyo, umubyeyi umwe Mme V. wareraga umukobwa w’umunyarwandakazi yahamagaje inama itumiwemo abana “métis” bageze mu bubiligi mu ntangiriro z’umwaka wa 1960. Sinari niyumviye iryo tangazo, naribwiwe n’umwe mu bo twakoranaga. Twagiyeyo ariko wari umunsi mukuru ku bari aho bose. Wamenyemo abantu wari uzi muri Afurika ? Yego, inshuti z’abahungu (Byimana) n’iz’abakobwa (Save) twakuranye mu bigo birera imfubyi. Icyari gitangaje ni uko nta n’umwe wari ukivuga ikinyarwanda. Uvuga ko nyuma yo kubyara umwana wawe w’imfura watangiye gushakisha uwakwibarutse ariko bikaba imfabusa. Ese waba warageze aho ukamubona ? Mu munsi mukuru umwe w’aba“métis” hari umugabo waje ansagna, Jef D., ambaza niba narabonye umubyeyi wanjye. Paul na mwene se Georges, bo bari barabonye uwabo. Bari barageze mu Rwanda inshuro imwe. Jef D. yarambwiye ati “Niba mama wawe akiriho nzamubona”. Uwo Jef D. yari afitanye iyihe sano n’u Rwanda ? Yari afite uruganda i Kigali kandi yari azi abantu benshi (ajye kwicara mu ntebe ye). Nzahora mbyibuka : ku ya 7 Ukuboza 1988, telefoni ihamagaye kare cyane saa kumi n’ebyiri za mugitondo. Naribwiye nti ariko ikiburabwenge kimpamagara iki gihe ni cyan de? Yari Jef, i Kigali. Iruhande rwe hari umugore wari uzi ibimenyetso byinshi bindanga. Jef ambaza niba nfite inkovu hejuru y’ivu ry’ibumoso no ku gatsinsino k’ibumoso, inkovu y’aho imbwayamndumye mu mfundiko y’iburyo, n’isununu mu rutugo n’inyuma y’ugutwi kw’ibumoso. Byari byo. Mama yari aho iruhande rwa Jef. Byari inzozi… (afata intebe ye arakomeza, aba nk’ikiragi). Ibyishimo byari byadusaze bitavugwa. Mu 1992 twasubiyeyo kumureba, ariko muri uwo mwaka ni bwo yatabarutse. Mu ngendo nagiye nkora, mfashijwe kandi n’abantu, nashoboye kugira ibyo menya kuri data. Ndetse nashoboye no kubona ifoto ye ahantu yakundaga gusohokera agira ngo yice isari. Yaratabarutse, yari akuze kurusha mama. Vzw Vleugels van Hoop (amababa y’amizero) Ugusubira kwawe mu Rwanda hari icyo byaba byaraguhinduyeho Yego, icyifuzo cyo kugira icyo nkora ku mateka yanjye cyangurumanyemo. Na mbere hose muri wa munsi mukuru w’aba “métis”, igitekerezo cyari cyavutse. Ishyirahamwe ryanyu ryita ku ki ? Vleugels van Hoop vzw rishyigikiye iterambere rya rubanda mu karere k’ibiyaga bigari muri Afurika yo hagati. Kuko turi kure, uburyo bwiza bwo kubigeraho ni ugutera inkunga y’amafaranga udushinga dutoya mu buryo butaziguye. Bityo, iyo mishinga iruzuzwa ku buryo bushimishije kandi ubukungu bw’aho ikorera bugakanguka, bugafasha abaturage ubwabo kwiteza imbere. Turashakashaka inkunga izabera aho baturage urubuto rwiza ruzabageza ku musaruro ushimishije. Muzabyitwaramo mute? Itsinda ryacu rigizwe n’abantu 8. Hamwe n’abaterankunga bacu n’bakorerabushake b’ingeri nyinshi, turizera kubona abandi badushyigikira benshi. None se vzw Vleugels van Hoop bite ahazaza ? Mu ntangiriro, imishinga myinshi yarateganyijwe. Kuri “Twese Hamwe” i Kigali, amahugurwa anyuranye aratangwa. “Amababa” yacu aduhora hafi igihe cyose ariko ntibihagije kugira ngo byose bigerweho. Hari byinshi byo gukorwa kugirango umuryango wacu ushinge imizi. Ni yo mpamvu dutegura umunsi mukuru ukomeye mu mpeshyi ku wa 16 Kanama 2008 ku murenge wacu… kandi ndizera ko imbaga y’abantu izatwitaba izitabira icyo gikorwa cy’urukundo. Kongera gusubira mu gihugu cyanjye bintera ubwuzu. Wenda nanjye nzashobora guturayo. Bamwe mu nshuti zanjye zo mu bwana barabikora, kuki se njye ntabishobora ?
|
|||